Uwiyitaga Generali wo ku ruhande rwa Wazalendo yishwe n’ibikomere yagize nyuma yo kuraswa na drone z’umwanzi nk’uko byavuzwe mu muhango wo kumushyingura.
Bamwe bumvise Gen Byamungu, bagira ngo ni nomero ya kabiri mu gisirikare cya AFC/M23, ariko si we wapfuye.
Uwapfuye yitwa Jenerali Byamungu Ruduga Abdalah hashize ibyumweru bibiri apfuye. Uwavuze ijambo mu bo bakorana, yabwiye abatuye i Kigongo aho uriya Muzalendo avuka, yavuze ko atishwe na bagenzi be.
Yavuze ko drone yabarasiye ahitwa Ruvungi, akomereka mu bitugu. Ati “Byamungu nta wamwishe, yapfiriye igihugu, kubera ko twarashwe na drone i Ruvungi niho yagiriye ikibazo.”
Uyu yavuze ko yapfuye nk’umusirikare kandi nk’Umunye-Congo.
Hari abari bagize ngo ni Generali Byamungu Maheshe wo muri AFC/M23, umurwanyi kabuhariwe wagiye ugaragara mu bice bitandukanye AFC/M23 yafashe.
Kugez aubu uretse video yakwirakwiye ku mbuga nkoranyambaga, nta tangazo rya Wazalendo cyangwa FARDC ryasohotse rivuga ku rupfu rw’uyu Muzalendo wabo.
Imirwano ikomeje kuba jya nawe mu bice bya Kivu ya Ruguru by’umwihariko muri Masisi n’inkengero za Rubaya, ndetse no muri Kivu y’Amajyepfo, aho ingabo za leta n’abo bahanga bivugwa ko bakoresha indege zitagira abapilote za drone.
UMUSEKE.RW
