Ubuyobozi bwa Gorilla FC, bwemeje ko iyi kipe yatandukanye n’abakinnyi batanu bari basoje amasezerano, mu gihe yinjije abashya barimo rutahizamu na myugariro.
Uko iyi kipe yinjiza abashya bazayikinira mu mwaka w’imikino 2026-27, ni nako itandukana n’abasoje amasezerano itifuza kuzakomezanya nabo.
Ibicishije ku rukuta rwayo rwa X, Gorilla FC yemeje ko yatandukanye n’abakinnyi batanu bari basoje amasezerano.
Aba barimo Sally Yipon, Manzi Patrick, Muhawenayo Gad, Ntagisanayo Serge na Duru Ikena Merci, bose basoje amasezerano. Aba baje biyongera kuri Nshuti Didier werekeje muri Rayon Sports na rutahizamu w’umunya-Mali, Khalifa Traoré waguzwe na Kenya Police FC yo muri Kenya.
Abashya imaze gutangaza ko yaguze, ni myugariro wavuye muri Police Issah Yakubu wasinye amasezerano y’imyaka ibiri na rutahizamu wavuye muri AS Kigali, Sunday Akang Inemesit nawe wasinye amasezerano y’imyaka ibiri.
UMUSEKE.RW
