Uwihoreye Vincent w’imyaka 33 wo mu Karere ka Bugesera, Umurenge wa Rweru , yarohamye mu kiyaga cya Rweru ubwo yatemaga ibyatsi byo gusasira imbuto ,ararohama, akomeza gushakishwa kugeza igihe abonekeye yitabye Imana .
Ibi byabaye mu masaha ya saa cyenda(15H00) kuri uyu kuwa Kane tariki 16 Gicurasi 2024, mu Kagari ka Kintambwe. Ni mu gihe umurambo wa nyakwigendera ugishakishwa.
Umunyamabanga Nshingwabikorwa w’Umurenge wa Rweru,Sibomana Jean Claude yabwiye UMUSEKE ko Uwihoreye Vincent yarohamye ubwo yarari gutema ibyatsi byo gusasira umurima w’imbuto uri ku kiyaga cya Rweru.
Yagize ati”Turi gushakisha umurambo wa nyakwigendera kuva ejo ntiturawubona hamwe n’inzego z’umutekano n’abaturage dukomeje gushakishiriza hamwe kugira ngo turebe ko twawubona.”
Gitifu Sibomana yongeye kwibutsa abatutage bakorera ubuhinzi ku nkengero z’ikiyaga cya Rweru kwitwararika ndetse no kujya babanza gushishoza mu gihe bari mu bikorwa bitandukanye.
Uyu mugabo usize umugore n’umwana biteganyijwe ko aza gushyingurwa kuri uyu wa Gatanu .
MURERWA DIANE
UMUSEKE.RW i Bugesera