Inama y’Abaminisitiri yateranye ku wa 18 Nzeri 2026, iyobowe na Perezida Kagame Paul, yashyizeho abayobozi batandukanye.
Mu bashyizwe mu mwanya harimo Prof. Muganga Raymond yagizwe Umuyobozi Mukuru w’Ikigo gishinzwe Kugenzura Ibiribwa n’Imiti mu Rwanda (Rwanda FDA).
Ni mu gihe Dr. Munyampundu Jean Pierre yagizwe Umuyobozi Mukuru w’Ishami ry’lbiribwa. Naho Dr. Kabandana Monia yagizwe Umuyobozi Mukuru w’lshami rya Serivisi za Laboratwari.
Prof. Muganga Raymond asimbuye Prof. Emile Bienvenu uri gukurikiranwa n’inkiko kubera uruhare rwe muri dosiye y’ibyaha bifitanye isano n’inzoga zitujuje ubuziranenge.
Abandi bahawe imyanya
Inama y’Abaminisitiri yagize Mushimire Olivier Umunyamabanga Mukuru muri Sena. Ni mu gihe Umuzayire Burayobera Bibiane yagizwe Umunyamabanga Uhoraho Minisiteri y’Ubutabera,MINIJUST.
Naho Rwagasana Jean Pierre yagizwe Umuyobozi Mukuru ushinzwe Imirimo Rusange muri iyi Minisiteri. Ingabire Chadia yagizwe Umuyobozi Mukuru ushinzwe Imirimo Rusange muri Minisiteri y’Ubutegetsi bw’Igihugu,MINALOC.
Munyaneza Charles yagizwe Umuyobozi Mukuru w’Ikigo cy’lgihugu gishinzwe Igororamuco (NRS) asimbuye Mufuruke Fred.
Mu bandi bahawe imyamya harimo Izere Parfait wagizwe Visi Perezida muri Komisiyo y’u Rwanda ishinzwe Ivugururwa ry’Amategeko (RLRC).
Munezero Marie Jeanne na Ngirinshuti Samuel bagirwa Komiseri muri RLRC.
UMUSEKE.RW
